Kryeministri i vendit, Albin Kurti ka folur për mundësinë e formimit të Qeverisë së re.

Ai theksoi se fituesi i zgjedhjeve duhet ta bëjë qeverinë e re, shkruan Arbresh.info.

Megjithatë, Kurti ka thënë se është duke e pritur certifikimin e rezultateve.

“Së pari ne presim certifikimin e rezultateve, e më pas do të shohim rrugën përpara, por nuk ka ndryshuar situata, që ne të kemi qëndrime të tjera, sa i përket kundërshtarëve tanë. Është bërë luftë hibride kundër qeverisë tonë, dhe kundër VV-së, por ne kemi fituar dhe fitimtari duhet e do ta bëjë qeverinë”, ka thënë Kurti.

Ndryshe, në Qendrën e Numërimit dhe Rezultateve po vazhdon numërimi i votave përmes postës.

Sipas përditësimit të fundit, të së hënës, të orës 23:37 janë numëruar 90.37 për qind e votave.

Lëvizja Vetëvendosje ka marr 51.70 për qind të votave, Lidhja Demokratike e Kosovës 30.15 për qind të votave, Partia Demokratike e Kosovës 9.52 për qind, ndërsa Aleanca për Ardhmërinë e Kosovës-NISMA kanë marr 3.09 për qind./Arbresh.info/