Dialogu Kosovë-Serbi, Kurti raporton në Kuvend para takimit me Vuçiqin

07:39 | 11 Qershor 2021

Sot Kuvendi i Kosovës do të mbajë seancë plenare, e ku në rend dite është edhe raportimi i kryeministrit Albin Kurti, lidhur me procesin e dialogut.

Seanca pritet të mbahet nga ora 10:00.

Dje ndërkaq, gjatë ditës, zyra për informim brenda Kuvendit konfirmoi edhe pikat e rendit të ditës, ndërsa siç edhe mund ta shihni më poshtë në listën e plotë, pika e katërt është ajo që i atribuohet tërësisht dialogut.

Kurti po raporton para deputetëve pak ditë para takimit që do të mbajë në Bruksel me presidentin serb, Aleksandër Vuciqin.

Rendi i ditës

1. Deklarimet jashtë rendit të ditës,

2. Pyetjet parlamentare,

3. Miratimi i procesverbalit nga seanca e mëparshme,

4. Diskutim mbi ecurinë e deritanishme të procesit të dialogut me Serbinë,

5. Propozim-vendimet për ndryshimin dhe plotësimin e Vendimit nr. 08-V-006, dt. 02.04.2021 për formimin e komisioneve parlamentare,

6. Shqyrtimi i parë i Projektligjit nr. 08/L-003 për ndryshimin dhe plotësimin e Ligjit nr. 06/L-057 për Përgjegjësitë Disiplinore të Gjyqtarëve dhe Prokurorëve,

7. Shqyrtimi i Raportit vjetor të Agjencisë për Informim dhe Privatësi për vitin 2020,

8. Debat parlamentar në lidhje situatën ekonomike si pasojë e pandemisë COVID-19 (të hënën më 14.06.2021).

Shpërndaje në rrjete sociale

Lajmet më të lexuara