Banorët po e braktisin fshatin Baicë, shkak gjendja e mjerueshme infrastrukturore (FOTO)

17:44 | 27 Shtator 2017

Fshati Baicë në Komunën e Drenasit është në gjendje infrastrukturore tejet të keqe.

Kjo është bërë e ditur nga një qytetari i këtij fshati, i cili ka thënë për lajmi.net, se mungon çdo gjë: kanalizimi, trotuari, nuk ka rrugë të asfaltuara.

Qytetari G.E ka thënë, se për shkak të mos investimeve, banorët po detyrohen të shpërngulen në qytet, pasi mungon edhe uji i pijes.

“Ky fshat është vetëm 5minuta larg qytetit, është fshati me gjendjen infrastrukturore më të keqe në komunën e Drenasit . Mungon gjithçka . Duke filluar nga uji, kanalizimi, trotuari në rrugë e deri të rrugët e gjithë fshatit që janë në kësisoj gjendje. Gjatë sezonit të dimrit janë te pakalueshme . Në shkollë mungon rrethoja e shkollës ku nxënësit janë të rrezikuar nga kafshët e egra. 17 vite asnjë investim nuk është kry . Banorët po detyrohen të shpërngulen nga fshati drejt qyteteve shkaku i mos investimeve. Dy palë gypa të ujësjellësit janë të vendosur nëpër fshat, nuk kemi ujë të pijes. Shkaku i dështimit të projekteve dhe neglizhenca e komunës për përfundimin e projekteve jo vetëm në Baicë por edhe në tjera fshatra të kësaj komune”, thotë qytetari G.E nga Baica.

22054286_724907304368846_368048014_n 22014849_724907294368847_587008835_n 22053369_724907274368849_765980632_n 22052446_724907284368848_1554726316_n

Shpërndaje në rrjete sociale