Arrestohet një mjek në Prizren, lëshonte teste të falsifikuara për Covid

17:46 | 14 Tetor 2021

Policia e Kosovës, ka arrestuar një doktor në Prizren i cili dyshohet se në laboratorin e tij lëshonte teste të falsifikuara për Covid-19.

Arrestimi i tij është bërë te enjten, ku edhe janë konfiskuar disa materiale, si llaptop, teste etj.

Komunikata e plotë:

Policia e Kosovës, Drejtoria për Hetimin e Krimeve Ekonomike dhe Korrupsionit, konkretisht Njësia Rajonale për Hetimin e Krimeve Ekonomike dhe Korrupsionit – Prizren, pas pranimit të një informate nga Stacioni Policor në Prizren, për dyshime se në një laborator biokimik në Prizren po lëshohen Teste të falsifikuara, ka filluar me veprime hetimore në koordinim me Inspektorët e M
Ministrisë së Shëndetësisë.

Gjatë inspektimit të bërë me datë 14.10.2021 në Laboratorin biokimik në fjalë, janë siguruar dëshmi se Laboratori ka lëshuar dy teste (njërin pozitiv e tjetrin negativ) në ditën e njëjtë me datë 06.10.2021, teste Rapid Antigjen SARS-COV-2, të cilat teste dyshohet të jenë të falsifikuara.
Më këto veprime i dyshuari, dyshohet se ka kryer veprën penale: “Falsifikim i Dokumentit” neni 390, i kodit penal të RKS-së.

Në cilësi të provave materiale janë sekuestruar:
Një Laptop,
Regjistri i pacienteve,
Një test/Analiza Anti-SARS-CoV- 2 NEGATIV
Një test/Analiza Anti-SARS-CoV- 2 POZITIV
Pas veprimeve policore të ndërmarra nga hetuesit, ato i paraqiten Prokurorit kujdestar, i cili lëshon Aktvendim për ndalim 48 orësh për personin e arrestuar, përderisa hetime të tjera janë në proces lidhur me rastin./arbresh.info/

Shpërndaje në rrjete sociale

Lajmet më të lexuara