Policia e Kosovës sot në Fushë Kosovë ka arrestuar një shtetas të Maqedonisë së Veriut, i cili ishte në kërkim po nga ky shtet.

Në një njoftim të Policisë, bëhet e ditur se 28-vjeçari maqedonas, T.B, ishte i arratisur nga burgu në Maqedoni dhe po strehohej në Kosovë, përcjell arbresh.info.

28-vjeçari u kap nga organet e rendit me ndihmën e qytetarëve në këtë komunë.

Aktualisht zyrtarët policor Fushë Kosovës, po ndërmarrin të gjitha veprimet e nevojshme në koordinim me Njësitin për Bashkëpunim Ndërkombëtar dhe institucionet përkatëse, lidhur me procedimin e mëtejmë të personit të arrestuar.

Njoftimi i plotë:

Arrestohet në Fushë Kosovë, një person i cili kërkohej nga Maqedonia e Veriut

Bashkëpunimi i qytetarëve me Policinë e Kosovës, ka mundësuar që sot rreth orës 19:30, nga njësitet policore të Fushë Kosovës, të arrestohet personi T.B mashkull, 28 vjeç, shtetas i Maqedonisë së Veriut.

Personi në fjalë ishte në kërkim nga autoritetet e Maqedonisë së Veriut, pasi që dyshohet se duke shfrytëzuar një pushim (ditë të caktuara) , të dhënë nga burgu, ku ai po vuante dënimin, është arratisur dhe strehuar në Republikën e Kosovës.

Aktualisht zyrtarët policor Fushë Kosovës, po ndërmarrin të gjitha veprimet e nevojshme në koordinim me Njësitin për Bashkëpunim Ndërkombëtar dhe institucionet përkatëse, lidhur me procedimin e mëtejmë të personit të arrestuar.

Faleminderit qytetarëve për kontributin e vazhdueshëm dhe besimin në Policinë e Kosovës.