Arrestohet 30-vjeçari në Ferizaj, ishte në kërkim për lëndim të lehtë trupor

16:17 | 30 Prill 2025
E.H

Më datë 29.04.2025, rreth orës 20:45, Policia Rajonale e Ferizajt ka arrestuar në fshatin Dardani të Ferizajt një person të kërkuar me urdhëresë të lëshuar nga Gjykata Themelore në Ferizaj.

I arrestuari, L.H. (M/K), 30 vjeç, ishte në kërkim për veprën penale “Lëndim i lehtë trupor”, për të cilën ishte dënuar me 10 muaj burgim.

“Pas përfundimit të procedurave të nevojshme policore dhe kompletimit të dokumentacionit përkatës, personi është dërguar për vuajtjen e dënimit. Policia Rajonale e Ferizajt do të vazhdojë me zbatimin e urdhëresave gjyqësore ndaj të gjithë personave që nuk i janë përgjigjur thirrjeve të gjykatës, duke kontribuar në forcimin e sundimit të ligjit dhe garantimin e sigurisë publike”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm