Policia e Kosovës në Ferizaj sot ka arrestuar një 26-vjeçar, i kërkuar nga Policia për vjedhje të rëndë në fshatin Greme të kësaj komune.

Sipas komunikatës së organeve të rendit, 26-vjeçari F.R ishte i dënuar me burg për një vit e gjysmë nga Gjykata Themelore në Ferizaj, përcjell arbresh.info.

Pas arrestimit dhe kompletimit të dokumentacionit, ai është dërguar që ta vuajë dënimin për vjedhjen që kishte bërë.

KOMUNIKATË PËR MEDIA

Arrestohet një person i kërkuar në Ferizaj

Sot, në ora 16 30 në fshatin Greme të Ferizajt policët e stacionit në Ferizaj kanë arrestuar personin e kërkuar me urdhëresë të gjykatës F.R (M/K) i moshës 26 vjeçar.

Ai ishte i kërkuar në bazë të urdhëresës së Gjykatës Themelore në Ferizaj për veprën penale ”Vjedhje e rëndë” me dënim burgimi prej 1 vit e 6 muaj

Pas kompletimit të dokumentacionit, i njëjti është dërguar në vuajtje  të dënimit.

Policia Rajonale e Ferizajt do të vazhdojë me realizimin e urdhëresave të gjykatës ndaj personave që ende nuk i janë përgjigjur thirrjes së gjykatës.