Një 65-vjeçare ka mbetur e vdekur si pasojë e një aksidenti mes dy veturave në rrugën Mitrovicë-Skënderaj, saktësisht në fshatin Klinë e Ulët.

Lajmin për Arbresh.info e ka konfirmuar zëdhënësi i Policisë për Rajonin e Mitrovicës, Avni Zahiti.

Zahiti tha se edhe katër persona kanë mbetur të lënduar dhe janë dërguar për tretman mjekësor ne Spitalin Rajonal ne Mitrovicë

“Sot, rreth orës 12:54,është raportuar për një aksident trafiku me pasojë fataliteti i shkaktuar në rrugën rajonale Mitrovicë -Skenderaj përkatësisht në fshatin Klinë e Ulët. Në aksident janë përfshirë dy vetura, ku si pasojë e lëndimeve të pësuara në aksident ka humbur jetën viktima femër rreth 65 vjeçare., ndërsa lëndime kanë pësuar edhe katër persona tjerë të cilët janë dërguar për tretman mjekësor ne Spitalin Rajonal ne Mitrovicë. Njësitet përkatëse policore kanë dalë në vendngjarje dhe po zhvillojnë hetimet për aksidentin”, ka thënë Zahiti./Arbresh.info