Abdixhiku nga Malisheva: E vërteta e qytetarëve është kriza

21:37 | 24 Janar 2023

Kryetari i Lidhjes Demokratike të Kosovës (LDK), Lumir Abdixhiku, sonte ka qenë në Malishevë në takim me qytetarë.

Nga ky takim, Abdixhiku ka thënë se e vërteta e familjeve në Kosovë është kriza, rëndesa, mungesa e kujdesit dhe thyerja e perspektivës, përcjell arbresh.info.

Ai tha se çmimet e larta, paga e ulët, shëndetësia dhe edukimi i dobët janë ankesa e tyre kryesore, ankesa të cilat ata janë të ngopur tashmë.

“Familjet kosovare janë sot në vështirësi. Çmimet e larta, të ardhurat e ulëta, vështirësitë në shëndetësi e edukim, shënojnë përditshmërinë e tyre. Ata janë të ngopur me ankesat mbi të shkuarën, siç janë në kërkim të së ardhmes.”, ka shkruar Abdixhiku.

Në fund, i pari i LDK-së theksoi se Kosova meriton dhe mundet më shumë, dhe partia e tyre çdo ditë e më shumë po e merr mesazhin e qytetarëve.

Shpërndaje në rrjete sociale