Në Rinas sot arrijnë edhe 208 mijë doza të vaksinave

12:56 | 19 Prill 2021

Shqipëria pritet të marrë dhe 208 mijë doza të tjera vaksinash.

Lajmi është bërë i ditur nga Kryeministri i Shqipërisë Edi Rama me anë të një postimi në mediat sociale.

Rama teksa ka postuar dhe foto të avionit në të cilin janë ngarkuar 208 mijë dozat e vaksinave, shkruan se pas pak orësh do të mbërrijnë në Rinas.

“208 MIJË VAKSINA TË TJERA ZBRESIN PAS PAK ORËSH NË RINAS”, është shprehur Rama.

Kjo është ngarkesa e tretë që vjen brenda pak ditëve në Shqipëri. Dje dhe pardje kanë mbërritur gati 100 mijë vaksina të tjera AstraZeneca.

Shpërndaje në rrjete sociale

Lajmet më të lexuara