Turqia shënon rekord të rasteve ditore derisa vendi përballet me kufizime të reja

18:07 | 2 Prill 2021

Turqia raportoi 40 mijë e 806 raste të reja me koronavirus në 24 orët e fundit, duke shënuar një rekord tjetër të lartë në rastet ditore që nga fillimi i pandemisë, sipas të dhënave të ministrisë turke të shëndetit të publikuara të enjten.

Kjo ishte rritja më e lartë e rasteve njëditore atje që nga fillimi i pandemisë në dhjetor 2020, kur regjistroi më shumë se 33,000 infeksione të reja në një ditë të vetme.

Rritja vjen ndërsa vendi po përballet me kufizime të reja, transmeton Klan Kosova.

Të hënën, presidenti turk Recep Tayyip Erdogan rivendosi orarin e ndalimit të fundjavës dhe njoftoi planet për kufizime të mëtejshme, të tilla si ndalimi i ngrënies në ambiente të mbyllura gjatë muajit të shenjtë mysliman të Ramazanit – i vendosur të fillojë në 13 prill.

Turqia ka regjistruar 3 milionë e 357 mijë e 988 raste totale Covid-19 që nga fillimi i pandemisë, sipas ministrisë së shëndetësisë. Të enjten, ministria e shëndetësisë raportoi 176 vdekje të reja, duke e çuar numrin e përgjithshëm të viktimave në 31,713.