Rusia zgjat arrestin shtëpiak për zëdhënësen e kritikut të Kremlinit, Alexei Navalny

20:08 | 21 Korrik 2021

Gjykata ruse ka dhënë urdhër për zëdhënësën e kritikut të Kremnlinit Alexei Navalny, Kira Yaramysh që të mbahet në arrest shtëpiak në pritje të gjyqit deri në janar të vitit të ardhshëm, kanë bërë të ditur avokati dhe aleatët e saj.

Rusia ka goditur ashpër opozitën përpara zgjedhjeve parlamentare në shtator. Shumica e aleatëve të shquar të Navalny ose janë larguar nga Rusia ose po përballen me ndjekje penale, transmeton arbresh.info

Yarmysh ka qenë nën arrest shtëpiak që nga shkurti i akuzuar për shkelje të rregullave të sigurisë Covid-19 në atë që autoritetet thanë se ishte një protestë e paautorizuar në mbështetje të Navalny, një akuzë që ajo thotë se është e motivuar politikisht.

31-vjeçari ka qenë zëdhënësi i Navalny që nga viti 2014.

“Ata e kanë zgjatur arrestin e saj shtëpiak për gjashtë muaj! Deri më 6 janar 2022,” shkroi Veronika Polyakova, avokati i Yarmysh në Twitter pas vendimit të gjykatës.

Aleatët e Navalny thanë në Twitter se vendimi dukej si pjesë e një strategjie për të mbajtur figurat e opozitës si Yarmysh në arrest shtëpiak “përjetësisht”.

Kremlini thotë se nuk ndërhyn në punën e gjykatave dhe se ato drejtohen në mënyrë rigoroze nga ligji.

Navalny, një kritik i hapur i presidentit Vladimir Putin, po vuan vetë një burg 2 vjeçar për shkelje të lirimit me kusht në lidhje me një dënim përvetësimi që ai thotë se ishte shpifur./reuters/arbresh.info/

Lajmet më të lexuara