Policia meksikane gjen 300 kilogramë drogë të fshehur brenda arrave të kokosit

22:46 | 4 Dhjetor 2022

Policia në Meksikë ka arritur të zbulojë 300 kilogramë fentanil të fshehur në arra të kokosit, dhe që për destinacion kishte SHBA-të.

Fotografitë dhe videot nga zyra e Kryeprokurorit të Meksikës, shfaq kutitë e bardhë të mbushura me arra kokosi, transmeton Telegrafi.

Agjentët kishin ngjitur doreza të plastikës për të hapur arrat e kokosit brenda të cilave kishte qese me lëndë narkotike.

Policia meksikane zbuloi sasinë e drogës që po transportohej në lindje të shteti meksikan Sonora.

Ato rrugë çojnë drejt kufirit me SHBA-të, përkatësisht me Lukeville, Arizonë.

Në anën tjetër, sipas autoriteteve amerikane të sigurisë, Meksika është prodhuesi më i madh i fentanilit që futet në SHBA.

Shpërndaje në rrjete sociale