Pesë shtetas tajlandez të liruar nga lëvizja palestineze Hamas janë kthyer në Bangkok, njoftoi Ministria e Jashtme tajlandeze.

Në aeroport ata u pritën nga ministrja e Jashtme e Tajlandës Maris Sangiampongsa.

“Të pesë shtetasit tajlandez janë kthyer shëndoshë e mirë në atdheun e tyre dhe janë ribashkuar me familjet e tyre”, tha ministria në një deklaratë.

Ministri i Jashtëm i Tajlandës vlerësoi “përpjekjet e palëkundura të qeverisë tajlandeze gjatë 15 muajve të fundit, duke punuar me vendosmëri dhe kapacitet të plotë për të siguruar suksesin e misionit për të cilin jemi dëshmitarë sot”.

Sangiampongsa ripohoi angazhimin e qeverisë tajlandeze për të “punuar vazhdimisht për lirimin e një pengu tajlandez të mbetur dhe për të sjellë eshtrat e dy shtetasve tajlandez përsëri në Tajlandë”.

Më herët, zëdhënësi i Ministrisë së Jashtme të Tajlandës, Nikondet Phalangkun tha se shtetasit e mëposhtëm tajlandez u liruan nga Hamasi më 30 janar: Watchara Si-uan, Phongsak Thaenna, Sathien Suwannakham, Surasak Lamnau dhe Bannawat Saethau.

Ai theksoi se gjithsej 28 pengje tajlandeze janë liruar që nga përshkallëzimi i konfliktit palestinezo-izraelit më 7 tetor 2023. Në sulmin e Hamasit ndaj Izraelit u vranë gjithsej 39 shtetas tajlandez./euronews/