Paralajmërimi i Rusisë: Nëse Perëndimi furnizon me tanke Kievin, ukrainasit do të vuajnë

14:03 | 23 Janar 2023

Ukrainasit janë ata që do të vuajnë nëse Perëndimi dërgon tanke në mbështetje të Kievit, tha në një deklaratë ditën e sotme Kremlini, pasi pyetjes nëse Berlini do të japë leje për dërgimin e tankeve Leopard në Ukrainë.

Siç tha Dmitry Peskov, mosmarrëveshjet në Europë për furnizimin ose të jo të Ukrainës me tanket Leopard tregojnë “nervozizmin” që mbizotëron brenda NATO-s dhe shtoi se të gjitha vendet kanë përgjegjësi për pasojat që do të ketë furnizimi me armë i Ukrainës.

“Por sigurisht që të gjitha vendet e përfshira, drejtpërdrejt ose tërthorazi, duke furnizuar Ukrainën me armë mbajnë përgjegjësi për vazhdimin e konfliktit. Përfundimi është se ukrainasit janë ata që do të paguajnë çmimin ”, tha zëdhënësi i Kremlinit./abcnews.al

 

 

Shpërndaje në rrjete sociale