Një person i akuzuar për përdhosje të Kuranit u vra me gurë nga turma e tërbuar në Pakistan

09:10 | 14 Shkurt 2022

Një burrë në Pakistan u vra me gurë nga një turmë e zemëruar pasi dyshohet se kishte përdhosur Kuranin në një fshat në Pakistanin lindor, tha policia të dielën, transmeton arbresh.info.

Ngjarja ndodhi në fshatin Jungle Dera të rrethit Khanewal ku vendasit u mblodhën pas njoftimit se një burrë, i identifikuar vetëm me emrin e tij të parë Mushtaq, kishte grisur disa faqe të librit të shenjtë dhe i kishte vënë flakën, raportoi gazeta Dawn.

Turma e tërbuar qëlloi me gurë ndaj tij derisa ai u gjakos për vdekje, me botimin që citonte një dëshmitar okular të thoshte se policia mbërriti në vend para linçimit të tij dhe e kishte arrestuar.

Mirëpo, turma e ka rrëmbyer atë nga paraburgimi i policisë. Sipas raportimeve, turma e vari pas linçimit. Incidenti tërhoqi dënimin e gjerë nga udhëheqësit më të lartë të vendit, përfshirë kryeministrin Imran Khan.

Mian Mohammad Ramzan, kujdestari i xhamisë i tha Associated Press se ai pa tym brenda xhamisë dhe nxitoi në vend për të gjetur një Kuran që digjej dhe një burrë që përpiqej të digjte një tjetër. Ai shtoi se njerëzit filluan të mbërrinin për lutje kur ai po i bërtiste burrit duke i kërkuar të ndalonte, transmeton arbresh.info.

Policia i tha agjencisë së lajmeve se ata po shikojnë pamjet e kamerave CCTV në zonë për të identifikuar sulmuesit.

Në një deklaratë të lëshuar të dielën, Khan tha: “Ne kemi zero tolerancë për këdo që merr ligjin në duart e veta dhe linçimet e turmës do të trajtohen me ashpërsinë e plotë të ligjit”.

Ai shtoi se u kërkoi autoriteteve të zbatimit të ligjit të Punjabit për “një raport mbi veprimet e ndërmarra kundër autorëve të linçimit në Mian Channu dhe kundër policisë që dështoi në detyrën e tyre”.

Vrasja vjen pas linçimit të një menaxheri nga Sri Lanka i sulmuar nga një turmë më 3 dhjetor të vitit të kaluar pasi u akuzua për blasfemi./arbresh.info/

Shpërndaje në rrjete sociale