Rregullatori francez dënon Apple me 1.2 miliard dollarë

13:52 | 16 Mars 2020

Autoriteti rregullues i konkurrencës në Francë e ka ndëshkuar gjigantin amerikan të teknologjisë, Apple, me 1.2 miliard dollarë për shkak të shkeljes së rregullave të konkurrencës ndaj rrjetit të distribuimit dhe shitjeve me pakicë.

Kjo është gjoba më e lartë që është dhënë ndonjëherë nga organi në fjalë dhe vjen në kohën e mosmarrëveshjeve mes gjigantëve amerikanë dhe rregullatorëve evropianë, të cilët janë treguar të prerë në lidhje me taksat dhe mbrojtjen e privatësisë së klientëve.

Zyrtarët e kompanisë Apple thanë se do të paraqesin ankesë ndaj këtij vendimi, duke thënë se dënimi bie në kundërshtim me rastet e tjera ligjore në Francë, shkruan “Reuters”.

Në vendimin e rregullatorit francez thuhet se komapnia Apple ka vendosur çmime të atilla ndaj shitësve me pakicë në mënyrë që çmimet të jenë të përshtatura me ato që caktohen në dyqanet e veta ose në internet.

Franca dhe Shtetet e Bashkuara kanë pasur më herët mosmarrëveshje për shkak të synimit të Francës për t’i rritur taksat ndaj kompanive të huaja të teknologjisë. Kjo lëvizje kishte bërë që Shtetet e Bashkuara të kërcënojnë me taksa të larta ndaj prodhimeve të caktuara franceze.

Shpërndaje në rrjete sociale

Lajmet më të lexuara