Vedat Muriqi vëzhgohet nga një tjetër klub anglez në derbin Galatasaray – Fenerbahce

19:10 | 27 Shtator 2019

West Ham United i është bashkuar listës së klubeve në garën për Vedat Muriqin.

Vedat Muriqi, i cili është kthyer tani në njërin nga emrat më të përmendur në tregun evropian të transferimeve, ka tani një tjetër klub pas tij, transmeton portali arbresh.info.

West Ham United ka shprehur interesim për shërbimet e sulmuesit të Kosovës, i cili ka qenë duke u vëzhguar tashmë nga klubet gjigante si Manchester United, Tottenham Hotspuri, Atletico Madridi, Napoli dhe Juventus.

Por, klubi i lartpërmendur anglez do të dërgoj zyrtar për të vëzhguar Vedat Muriqin në ndeshjen e ardhshme derbi mes Galatasaray dhe Fenerbahces.

25-vjeçari nga Prizreni ka shënuar tri gola brenda pesë paraqitje në Superligë të Turqisë deri tani.

Derbi mes Galatasaray dhe Fenerbahces zhvillohet mbrëmjen e së shtunës duke filluar nga ora 19:00./arbresh.info/

Shpërndaje në rrjete sociale

Lajmet më të lexuara