Sigal Prishtina nesër me ndeshje vendimtare në FIBA Europe Cup

16:58 | 19 Nëntor 2019

Kampionia e Kosovës në basketboll, Sigal Prishtina, të mërkurën (nesër) nga ora 19:00 do të zhvillojë ndeshjen vendimtare në grupet e FIBA Europe Cup.

Prishtinasit do të ndeshen me skuadrën gjermane Medi Bayreuth, ku duhet të fitojnë me +9 pikë dallim për të siguruar kualifikimin në xhiron e radhës.

Në sfidën e parë ndërmjet këtyre dy skuadrave në Gjermani, kishin fituar vendësit me rezultat 97:89.

Këto dy skuadra kanë nga dy fitore dhe dy humbje, prandaj sfida e së mërkurës është vendimtare se kush do të kualifikohet tutje.

Në Grupin C, Ventspils është lider me katër fitore në po aq ndeshje, kurse në pozitën e fundit është Apoel Nicosia me katër humbje.

Prishtina edicionin e kaluar kishte hyrë në top-16, duke qenë suksesi më i madh për prishtinasit në këtë garë.

Shpërndaje në rrjete sociale

Lajmet më të lexuara