Samir Nasri kërkohet nga klubi në Premierë Ligë

22:20 | 8 Nëntor 2018

West Ham United thuhet se është njëri nga klubet e interesuara për shërbimet e ish sulmuesit të Arsenalit dhe Manchester Cityt, Samir Nasrit.

Francezi aktualisht së fundmi ka qenë duke qëndruar jashtë fushës për shkak të dënimit prej 18 muajve si pasojë e përdorimit të drogës, por tani ai është i lirë për të kërkuar një klub të ri brenda muajve të ardhshëm, transmeton portali arbresh.info.

Bazuar në një raport nga ‘The Mirror’, trajneri Manuel Pellegrini favorizon ribashkimin me Nasrin në një të ardhme mes krizës së fundmit me lëndime te klubi i tij.

“Hammers” tashmë është në mungesë të lojtarëve si Jack Wilshere, Manuel Lanzini dhe Andriy Yarmolenko dhe duke marrë parasysh numrin e madh të lojtarëve jashtë linjave, Nasri do të ishte një opsion afatshkurtër shumë i mirë për të përforcuar linjën frontale të klubit.

Përveç West Ham United, Evertoni ka shfaqur gjithashtu interesim për të arritur një marrëveshje me ish yllin e Premierë Ligës, megjithëse ata nuk kanë ndonjë problem madhështor në lidhje me lëndime aktualisht./arbresh.info/

Shpërndaje në rrjete sociale