Rekordi i frikshëm i Leo Messit kundër top gjashtë skuadrave në Premierë Ligë

11:38 | 17 Prill 2019

Manchester United dhe Barcelona janë përballur kokë me kokë mbrëmjen e së martës në mënyrë për të siguruar një vend në gjysmëfinale të Ligës së Kampionëve.

“Djajtë e Kuq” shijuan një fillim shumë pozitiv duke goditur shtyllën horizontale me anë të sulmuesit Marcus Rashford pas vetëm 30 sekondave lojë transmeton portali arbresh.info.

Rashford më pas krijoi një rast për Scott McTominay që dështoi për ta mbajtur topin në kontroll.

Pas këtyre përpjekjeve jo të finalizuar mirë, Manchester United u ndëshkua më pas.

Një gabim nga Ashley Young bëri që Lionel Messi t’i afrohet zonës së rreptësisë dhe me një goditje të fuqishme dërgoi topin në rrjetë duke shënuar supergol për 1 me 0.

Messi realizoi edhe golin e dytë vetëm katër minuta më vonë për shkak të një gabimi trashanik nga David de Gea.

Pas dy golave kundër Manchester United, Messi tani ka gjetur rrjetën 24 herë brenda 32 ndeshjeve në UEFA Ligë të Kampionëve kundër skuadrave angleze.

Asnjë lojtar nuk ka shënuar më shumë kundër klubeve angleze në këtë kompeticon.

Messi është gjithashtu golashënuesi i katërt më i mirë kundër top gjashtë skuadrave angleze pavarësisht se nuk ka luajtur kurrë në Premierë Ligë./arbresh.info/


Lajmet më të lexuara