PSG i bashkohet garës për Dean Henderson

21:46 | 13 Shkurt 2020

PSG i është bashkuar garës për ta transferuar portierin e Manchester United, Dean Henderson.

22-vjeçari është në sezonin e dytë në formë huazimi te Sheffield United, aty ku ka impresionuar të gjithë duke mbajtur nëntë herë portën e paprekur, transmeton portali arbresh.info.

Henderson është një ndër portierët që mund ta përfaqësojë Kombëtaren e Anglisë në Euro 2020, por duhet të jetë në ndonjë klub të madh në mënyrë që ta fitojë besimin e trajnerit, Gareth Southgate.

Sipas The Mail, Chelsea dhe Tottenham janë duke përgatitur oferta për ta transferuar në fund të sezonit.

Mirëpo, dy klubet angleze duhet të mposhtin PSG në garë për anglezin, sepse “Parisienët” nuk janë të kënaqur me Keylor Navas dhe kërkojnë një tjetër gardian.

Henderson është duke garuar me portierin e Burnley, Nick Pope dhe të Liverpool, Alisson Becker për Dorëzen e Artë./arbresh.info.

Lajmet më të lexuara