PSG heq dorë nga Kalidou Koulibaly

20:42 | 20 Maj 2020

PSG është e gatshme ta lejojë qendërmbrojtësin e Napoli-t, Kalidou Koulibaly të transferohet te Manchester United sepse nuk janë të gatshëm të paguajnë çmimin e kërkuar nga gjiganti italian.

Koulibaly pritet të largohet nga “San Paolo” këtë verë dhe Napoli është i gatshëm t’ia plotësojë dëshirën, transmeton portali arbresh.info.

Barcelona, Real Madrid, Manchester City dhe Liverpool ishin të lidhur me lojtarin, por favorit shiheshin Manchester United dhe PSG.

Sipas Le Parisien, gjiganti francez ka filluar të interesohet për tjerë mbrojtës sepse kartoni prej 70 milionë euro e shohin si të shtrenjtë.

Thuhet se Napoli sezonin e kaluar ka refuzuar ofertë me vlerë 100 milionë euro për 29-vjeçarin./arbresh.info.

Shpërndaje në rrjete sociale

Lajmet më të lexuara