Prishtina e Ballkani ndajnë pikët në “Fadil Vokrri”

19:11 | 29 Shkurt 2020

Prishtina dhe Ballkani i kanë ndarët pikët në derbin që u zhvillua në kuadër të javës së 20-të në Ipko Superligën e Kosovës që përfundoi pa gola.

Suharekasit e filluan mjaftë mirë takimin, duke e rrezikuar portën e bardhekaltërve me anë të Maganit, por gjuajtja e tij shkoi mbi portë.

Më pas, ndeshja u ndërpre për pak minutash, shkaku që Plisat ndezën mjete piroteknike, të cilat u larguan më vonë nga sigurimi i stadiumit ‘Fadil Vokrri’.

Armend Dallku në minutën e 28-të u detyrua të bëjë një zëvendësim, pasi Bekteshi nuk mundi të vazhdonte lojën shkaku i lëndimit e në vend të tij u fut Ahmet Haliti.

Dy skuadrat ishin mjaftë të kujdesshme në pjesën e parë, duke lënë gjërat e hapura për pjesën e dytë.

Në 45 minutëshin e dytë, ritmi i lojës ishte më i lartë, derisa Ballkani rrezikoi sërish me anë të Maganit, mirëpo Visar Bekaj e priti gjuajtjen e tij pa problem.

Në minutën e 66-të, Hila bëri një gjuajtje fantastike nga rreth 40 metra, por Ruxhi i Ballkanit nuk u befasua dhe priti gjuajtjen.

Gjyqtari Selim Isufi në minutën e 70-të ndëshkoi trajnerin e Prihstinës, Dallkun dhe atë të Ballkanit, Ismet Munishin me kartonë të verdhë, shkaku që kishin kaluar zonën e tyre.

Prishtina kishte disa shanse të mira në fund, mirëpo nuk ia arritën të thyenin mbrojtjen e mysafirëve.

Pas javës së 20-të, Ballkani vazhdon të jetë lider me 41 pikë, derisa Prishtina është në të katërtin me 38 pikë, aq sa ka edhe Gjilani në të tretin.

Shpërndaje në rrjete sociale

Lajmet më të lexuara