Premierliga ka një kërkesë për qeverinë angleze

20:35 | 22 Maj 2020

Premierligë ka vendosur që të bëjë një kërkesë ndaj qeverisë angleze, ku kërkon që duke nisur nga java e ardhshme, klubet të rinisin stërvitjet normalisht, në mënyrë që rifillimi i kampionatit të përshpejtohet.

Synimi i ligës angleze të futbollit është që Premierligë të rikthehet në mesin e muajit qershor, konkretisht në datën 12. Sipas tabloidit “The Times”, liga e futbollit është në pritje të protokollit të masave për rinisjen e stërvitjes normalisht në të gjitha klubet, që do të prezantohet ditën e mërkurë në datën 27 maj dhe pas aprovimit seancat do të zhvillohen normalisht duke nisur nga data 28 maj.

Protokolli do të shpjegojë se si stërvitja mund të rinisë normalisht me kontakte në lojë mes lojtarëve, në mënyrën më të sigurt të mundshme që futbollistët apo stafet e klubeve mos të rrezikojnë infektimin me COVID-19.

Në momentin që qeveria angleze do të prezantojë protokoll, ai do të shqyrtohet edhe nga konsulenti mjekësor i Premierligë , Mark Gillett si dhe drejtori Richard Garlick.

Më pas do të kërkohet edhe aprovimi i të gjithë lojtarëve, të cilët do të duhet ta firmosin këtë protokoll. Data për rikthimin e futbollit në Angli është përcaktuar 12 qershori, teksa në Premier League janë për t’u zhvilluar edhe 92 ndeshje.

Shpërndaje në rrjete sociale

Lajmet më të lexuara