Përfundon sezoni për yllin e Arsenalit?

18:12 | 6 Dhjetorë 2018

Rob Holding pritet të mungojë në pjesën e mbetur të sezonit pas lëndimit të pësuar në gju kundër Manchester United.

Qendërmbrojtësi i Arsenali ishte larguar me lece nga fusha gjatë pjesës së parë të ndeshjes në Old Trafford që përfundoi baras 2 me 2, transmeton portali arbresh.info.

23-vjeçari ka dëmtuar rëndë ligamentet dhe kjo mund të bëjë që të mbetet jashtë fushës për shumë muaj.

Holding ishte njëri nga lojtarët më në formë te Arsenali nën udhëheqjen e Unai Emery duke ngjallur edhe bisedime se mund të ftohet nga “Tre Luanët”.

Por, ai tani duhet të rikuperohet para se të përpiqet sërish për të impresionuar trajnerin Gareth Southgate të Anglisë./arbresh.info/

Shpërndaje në rrjete sociale