Nuk ndalet Gjilani, transferon edhe një lojtar

16:41 | 20 Qershor 2019

Klubi gjilanas ka zyrtarizuar transferimin e një lojtari të ri.

SC Gjilani është përforcuar me Olition Rapën nga Shqipëria, shkruan portali arbresh.info.

Rapa luan në pozitën e qendërmbrojtësit dhe ka nënshkruar me klubin kuq e bardhë për dy edicionet e ardhshme.

Oltion Rapa, i lindur në Tepelenë, sezonin e kaluar ishte pjesë skuadrës nga “Superioria” në Shqipëri, KF Luftëtari. Rapa ishte lojtar prezent thuajse në të gjitha takimet e ish-skuadrës së tij, sikurse në ligën elitare të Shqipërisë, gjithashtu edhe në kupë, nga 4 vitet e kaluara sa ishte pjesë e Luftëtarit. Po ashtu Rapa , kishte bërë paraqitje edhe në garat evropiane me skuadrën gjirokastrite.

Meqë Rapa karrierën e deritashme e ka zhvilluar vetëm në Shqipëri, kjo është hera e parë që ai do të luajë në kampionatin e Kosovës.

Kujtojmë se Gjilani ka bërë një numër transferesh për këtë sezon siç janë Muhamed Useini, Shkëlzen Ruçin e Jackson Ferreira./Arbresh.info/

Shpërndaje në rrjete sociale

Lajmet më të lexuara