Mourinho flet për situatën e Bale: E doja edhe kur isha në stolin e Real Madrid-it

15:30 | 16 Shtator 2020

Trajneri i Tottenham-it, Jose Mourinho ka zbuluar admirimin e madh që ka për yllin e Real Madrid-it, Gareth Bale.

Uellsiani nuk është në planet e trajnerit Zinedine Zidane dhe është i lidhur me rikthimin të Spurs, aty ku kërkohet me ngulm nga Mourinho, transmeton portali arbresh.info.

Mirëpo, tekniku portugez nuk ka pranuar të flas për situatën momentale, derisa ka zbuluar se donte ta transferonte kur ishte në stolin e “Los Blancos”.

“Provova ta transferojë Gareth Bale për Real Madrid-in, e cila ishte e pamundur në kohën time aty. Pastaj ai arriti kur unë u largova”.

“Kjo nuk është sekret. Edhe Gareth është në dijeni. Por, nuk do flas për të sepse është lojtar i Real-it”, deklaroi ai.

Sidoqoftë, Tottenham-i është afër ta huazojë lojtarin, kurse ka arritur marrëveshje me Real-in për Sergio Reguilon./arbresh.info.

Shpërndaje në rrjete sociale

Lajmet më të lexuara