Luka Modric i hapur për të luajtur në Serie A

18:13 | 13 Nëntor 2019

Luka Modric është i hapur për mundësinë për të luajtur në Itali në një pikë të karrierës së tij, por përsërit se është i lumtur në Real Madrid.

Kroati, i cili ka vetëm edhe një vit të mbetur në kontratën e tij, është përfolur vazhdimisht për transferim në Serie A, transmeton portali arbresh.info.

Modric tani ka folur për admirimin e tij për lojën italiane pasi shumë bashkëlojtarë të tij në koimbëtare luajnë aty.

“Më pëlqen Italia, e ndjek Serie A-në sepse shumë nga bashkëlojtarët e mi në kombëtare janë aty”, ka thënë Modric duke folur për Sky Italia.

“Italianët janë fantastik. Italia është afër me Kroacinë dhe njerëzit kanë mentalitete të ngjajshme”

“Më pëlqen Italia, do të shohim nëse një ditë unë do të luaj në Itali. Unë nuk mund të flas rreth kësaj sepse jam një lojtar i Real Madridit, jam duke shijuar kohën time dhe për tani e shoh të ardhmen time në Madrid”

Modric iu bashkua Real Madridit nga Tottenhami për 30 milionë në muajin gusht të vitit 2012./arbresh.info/

Shpërndaje në rrjete sociale

Lajmet më të lexuara