Liverpool vendos rekord të ri

23:37 | 4 Dhjetor 2019

Liverpool ka thyer rekord të ri në klub pasi ka arritur të fitojë 32 ndeshje pa pësuar humbje në Premierë Ligë.

“Reds” sot mposhtën Evertonin me rezultat 5 – 2, që njëkohësisht është rezultati më i thellë që ka ndodhur ndonjëherë mes këtyre dy skuadrave.

Me këtë fitore, kampioni i Evropës nuk ka pësuar humbje në 32 ndeshje, derisa humbja e tyre e fundit ka qenë në janar, transmeton portali arbresh.info.

Rekord tjetër në klub ka thyer trajneri Jurgen Klopp, i cili ka arritur të fitojë 100 ndeshje brenda 159 ndeshjeve, derisa përqindja në fitore është 63.

Në Premierë Ligë, Arsenali është klubi i cili ka më së shumti ndeshje pa pësuar humbje.

“Topçinjtë” nën urdhrat e Arsene Wenger nuk pësuan humbje në 49 ndeshje./arbresh.info.

Shpërndaje në rrjete sociale

Lajmet më të lexuara