Lionel Messi vendos rekord të ri në La Liga me supergolin kundër Sevillas

17:00 | 23 Shkurt 2019

Lionel Messi ka vendosur emrin e tij sërish në histori të kampionatit spanjoll.

Superylli i Barcelonës humbi topin në minutën e 22′ të ndeshjes pasditen e sotme (e shtunë) kundër Sevillas dhe nikoqirët arritën të shënojnë në kundërsulm për 1 me 0, shkruan portali arbresh.info.

Por, fituesi i pesëfishtë i Topit të Artë iu përgjigj menjëherë skuadrës në stadiumin Ramon Sanchez Pizjuan duke shënuar një gol vërtetë spektakolar vetëm katër minuta më vonë.

Pas harkimit fenomenal nga Ivan Rakitic në zonën e rreptësisë, sulmuesi argjentinas goditi në formë të bukur topin duke e dërguar atë në rrjetën e skuadrës së Pablo Machinit.

Me këtë gol vërtetë të bukur, Lionel Messi vendosi një rekord të ri në La Liga duke u bërë lojtari ka shënuar më së shumti gola kundër një kundërshtari të veçantë.

Pra, Sevilla është viktima e tij e preferuar dhe 31 vjeçari ka shënuar 26 gola kundër tyre./arbresh.info/

Shpërndaje në rrjete sociale

Lajmet më të lexuara