Legjenda e Arsenalit, Kanu: Skuadrat tashmë kanë frikë nga Nicolas Pepe

16:42 | 12 Shtator 2019

Legjenda e Arsenalit, Nwankwo Kanu beson se skuadrat në Premierë Ligë tashmë janë të frikësuar nga Nicolas Pepe.

Pepe u bë përforcimi rekord te Arsenali kur iu bashkua “Topçinjve” këtë verë për një tarifë prej 80 milionë euro, transmeton portali arbresh.info.

Reprezentuesi i Bregut të Fildishtë ka qenë i jashtëzakonshëm në sezonin 2018/19 në Francë te Lille duke shënuar 22 gola dhe duke krijuar 11 asistime.

“Nëse e shikoni atë ju e shihni se është një futbollist vërtetë i mirë dhe këmbët e tij janë shumë të shpejta. Ai do të shënojë gola dhe do të luaj mirë”, ka thënë fillimisht Kanu për Goal.

“Ai do të përmirësohet shumë më shumë dhe do të shënojë gola për ne. Ai na sjellë neve diçka më ndryshe nga dy sulmuesit e tjerë”

“Besoj se skuadrat tashmë kanë frikë nga ai pas disa ndeshjeve. Ata kanë frikë nga ajo se çfarë ai mund të bëjë dhe çfarë mund të ofroj. Ai është një përforcim shumë i mirë”

Arsenali luan të dielën në udhëtim kundër Watfordit./arbresh.info/

Shpërndaje në rrjete sociale

Lajmet më të lexuara