Juventus rezulton negativ në testimin e koronavirusit

19:01 | 21 Maj 2020

Juventus ka konfirmuar se të gjitha testet e bëra për koronavirus kanë rezultuar negativ, andaj oritet që Gonzalo Higuain dhe Adrien Rabiot t’i rikthehen stërvitjeve.

Klubi italian përmes një njoftimi ka zbuluar se të gjithë lojtarët janë mirë dhe nuk ka të prekur me Covid-19, transmeton portali arbresh.info.

“Për disa ditë, lojtarët e Juventus-it janë stërvitur individualisht në grupe të vogla, duke mbajtur distancën”.

“E tërë skuadra që ka bërë testimet ka rezultuar negative, ndërsa në ditët e ardhshme do stërvitemi me grupe me më shumë persona”, shkruhej në njoftimin e “Zonjës së Vjetër”.

Juventus kishte tre lojtarë me Covid-19, mirëpo secili nga ta është shëruar dhe kanë rezultuar negativ për të dytën herë.

Kujtojmë se me 28 maj do merret vendimi përfundimtar për datën e rikthimit të Seria A./arbresh.info.

Shpërndaje në rrjete sociale

Lajmet më të lexuara