Futbollistët e Kosovës zbresin në “Fadil Vokrri”

19:38 | 7 Tetor 2019

Kosova ka nisur përgatitjet për ndeshjet e tetorit, që “Dardanët” do t’i zhvillojnë në stadiumin “Fadil Vokrri”, kundër Gjibraltarit dhe Malit të Zi.

Stërvitja ka nisur pas orës 18:00 ku Challandes do të mundohet të nxjerr më të mirën e futbollistëve këto ditë për të bërë formacionet e duhura kundër Gjibraltarit e Malit të Zi.

Fillimisht, më dhjetë tetor, djelmoshat e Bernard Challandes zhvillojnë një miqësore ndaj Gjibraltarit, kurse katër ditë më vonë e presin Malin e Zi në kuadër të eliminatoreve për Kampionatin Evropian “Euro 2020”. Futbollistët e Kosovës janë pritur me duartrokitje në stadium.

Kololli, Shala dhe Rashica janë emrat e rinj që munguan në shtator, kurse vazhdojnë të jenë jashtë për shkak të dëmtimeve Hekuran Kryeziu dhe Arbër Zeneli. /Gazeta Express

Shpërndaje në rrjete sociale

Lajmet më të lexuara