Dikur udhëheqte klubin serb, tani trajner i Kosovës

14:07 | 24 Tetor 2017

Lothar Matthaus besohet se do të jetë trajneri i ardhshëm i përfaqësues së Kosovës.

Legjenda e futbollit gjerman raportohet se do të marrë detyrën te përfaqësuesja e Kosovës duke zëvendësuar Albert Bunjakin, shkruan portali arbresh.info.

Matthaus, i cili mban rekordin si lojtari me më së shumti ndeshje të luajtura në Kampionatin Botëror, ka udhëhequr në të kaluarën Bullgarinë, Hungarinë, Rapid Wienin dhe Red Bull Salzburgun.

Fadil Vokrri së bashku me legjendën Lothar Matthaus | Foto: Gazeta Express
Fadil Vokrri së bashku me legjendën Lothar Matthaus | Foto: Gazeta Express

Ish ylli i Bayern Munichut në dhjetor të vitit 2002 është punësuar edhe nga klubi serb FK Partizan . Mathaus mori detyrën te skuadra serbe gjatë dimrit në pushime në mes të sezonit si një zëvendësues i Ljibisa Tumbakovicit, i cili ishte shkarkuar.

Mesfushori kishte nënshkruar atë kohë kontratë tri vjeçare me klubin serb.

Në një foto të siguruar nga Gazeta Express, Lothar Matthaus shihet së bashku me Fadil Vokrrin, kryetarin e Federatës së Futbollit të Kosovës.

Federata e Futbollit të Kosovës vazhdon të qëndroj ende e heshtur në lidhje me këtë./arbresh.info/

Lothar Matthaus gjatë detyrës si trajneri i skuadrës serbe KF Parizan
Lothar Matthaus gjatë detyrës si trajneri i skuadrës serbe FK Partizan

Shpërndaje në rrjete sociale

Lajmet më të lexuara