Barça pa problem në gjysmëfinale, Man United poshtërohet në Camp Nou

22:52 | 16 Prill 2019

Barcelona është kualifikuar me lehtësi në çerekfinale të Ligës së Kampionëve.

Gjiganti katalunas ka mposhtur me rezultat të thellë 3 me 0 Manchester United në takimin kthyes të zhvilluar në Camp Nou këtë mbrëmje (e martë) pas fitores minimale 1 me 0 në Old Trafford javën e kaluar, shkruan portali arbresh.info.

“Djajtë e Kuq” e nisën mirë duke goditur shtyllën qysh në minutën e parë si dhe duke iu shmangur penaltisë së akorduar nga gjyqtari në minutën e 12′ pas shqyrtimit të rastit me anë të teknologjisë VAR.

Mirëpo, skuadra nën udhëheqjen e trajnerit Ole Gunnar Solskjaeri nuk arriti t’i evitojë edhe magjisë së Lionel Messi që prodhoi disa momente të paharrueshme para tifozëve në minutat në vazhdim.

Superylli realizoi supergol jashtë zonës së rreptësisë duke dërguar në avantazh për 1 me 0 qysh në minutën e 16′ skuadrën e tij para se të gjente sërish portën katër minuta më vonë me një goditje të fuqishme që i rrëshqiti portierit David de Gea.

Goli i tretë ishte gjithashtu i bukur dhe autor i tij ishte mesfushori i shumë kritikuar Philippe Coutinho.

Barcelona kështu vazhdoi tutje në çerekfinale të këtij kompeticioni me rezultat të përgjithshëm 4 me 0 ndaj Manchester United./arbresh.info/

Lajmet më të lexuara