Asensio befason të gjithë: Kam gjak holandezi – Spanja është vendi im i parë

16:15 | 11 Nëntor 2020

Marco Asensjo ka befasuar të gjithë duke thënë se ai ka gjak holandezi edhe pse luan për kombëtaren e Spanjës.

Ylli i Real Madridit u shfaq në konferencë për media së bashku me trajnerin Luis Enrique, derisa tregoi për rrënjët e tij familjare.

“Holanda është si vendlindja ime e dytë, gjysma e familjes time është nga atje, kam gjak holandezi”, ka thënë Asensio.

“Kam shumë kujtime të mira dhe mbaj në mend shumë gjëra nga familja ime holandeze. Kam shumë kujtime të bukura me familjen këtu dhe tentoj t’i vizitoj së paku një herë në vit”, ka shtuar më tej ai.

Kjo deklaratë e Asensio erdhi para miqësores që Spanja e zhvillon ndaj Holandës sonte nga ora 20:45. /Telegrafi/

Shpërndaje në rrjete sociale

Lajmet më të lexuara