Alex Sandro rinovon kontratë me Juventusin?

22:20 | 6 Dhjetorë 2018

Raporte të shumta thonë se Alex Sandro ka rënë dakord për të rinovuar kontratën e tij me Juventusin deri më 2023.

Mbrojtësi brazilian ka qenë në bisedime për kontratë që nga vera e vitit 2017, ku ai refuzoi kalimin te Chelsea, transmeton portali arbresh.info.

Gjatë verës ai është përfolur sërish për kalim në Premierë Ligë, ku Manchester United thuhet se ka shfaqur interesim.

Tani, ‘Goal Italia’ dhe ‘Sky’ janë duke raportuar të dy që një marrëveshje është arritur për kontratë të re e cila do të bëjë që Alex Sandro të jetë pjesë e “Zonjës së Vjetër” të pakën deri më 2023.

Mbrojtësi i krahut të majtë nënshkroi me kampionin e Italisë nga Porto në vitin 2015 dhe që nga atëherë ka bërë mbi 100 paraqitje./arbresh.info/

Shpërndaje në rrjete sociale