Shqipëria nis të zhvendosë mjetet e blinduara

09:42 | 16 Prill 2018

Udhëtarët në rrugën Tiranë –Durrës janë habitur dje kur në autostradë kanë parë të qarkullojnë mjete të blinduara të ushtrisë.

Nuk pati ndonjë njoftim nga Ministria e Mbrojtjes, por mendohet se mjetet e reja të blinduara të jenë pjesë e një dhurimi nga SHBA prej 248 mjetesh me vlerë 12 mln dollarë e ku Shqipëria do të paguajë vetëm shpenzimet për transportin dhe mirëmbajtjen e këtyre mjeteve.

Automjetet e blinduara për transport janë të markës HMMWV 1114 dhe kanë shpejtësi maksimale 125 km/h, kapacitet mbajtës 1+3+1 pushkatar, peshojnë 6 ton, si dhe kanë autonomi lëvizjeje 443 km.

Mjetet e blinduara janë të pajisura me sistem të mbajtjes së armëve mitraloz të rëndë dhe mitraloz të lehtë si dhe granatëhedhës./syri.net

Shpërndaje në rrjete sociale