Palmer: SHBA shpreson se BE-ja do të hapë bisedimet e pranimit me Shqipërinë dhe Maqedoninë e Veriut

08:29 | 11 Shkurt 2020

Shtetet e Bashkuara kanë shpresa të mëdha që Bashkimi Evropian do të hapë bisedimet e pranimit muajin tjetër me Maqedoninë Veriore dhe Shqipërinë, dhe se rruga evropiane e këtyre vendeve do të konsiderohet e domosdoshme.

Kështu tha përfaqësuesi Special i Amerikës për Ballkanin Perëndimor Matthew Palmer për shërbimin bullgar të Radios Evropa e Lirë.

” Një çështje e menjëhershme në rendin e ditës, çështja me të cilën do të përballet Këshilli Evropian në takimin e marsit, është nëse ai do të hapë negociatat e pranimit me Maqedoninë e Veriut dhe Shqipërinë”, tha Palmer.

Ai tha se SHBA-ja shpreson se përgjigjja do të ishte po.

“Ne mendojmë se të dyja vendet janë, në përgjithësi, të kualifikuar. Ne besojmë se ky është një sinjal i rëndësishëm për t’u dërguar në rajon. Është thelbësore që si Maqedonia e Veriut ashtu edhe Shqipëria të kenë një rrugë të qartë evropiane dhe një perspektivë evropiane, “tha Palmer.

Ai shprehu shqetësimin për përfshirjen e Rusisë në Ballkanin Perëndimor dhe “përpjekjet për të minuar mbështetjen ndërkombëtare” për marrëveshjen tani njëvjeçare të Maqedonisë së Veriuyt -Greqi që i dha fund mosmarrëveshjes 27 vjeçare midis dy vendeve dhe hoqi kundërshtimin e Athinës për hyrjen e Maqedonisë në BE dhe NATO.

Shpërndaje në rrjete sociale

Lajmet më të lexuara