Nurellari: Bashkimi kombëtar s’duhet të trajtohet si diçka kundër BE-së

22:24 | 9 Prill 2018

Analisti Adri Nurellari në një intervistë në Zona B të Klan Kosovës, ka vlerësuar se bashkimi kombëtar duhet të mendohet si neofunksionalist.

Sipas tij bashkimi në mes të Kosovës dhe Shqipërisë nuk duhet të trajtohet vetëm si folklorik dhe se duhet të thellohet bashkëpunimi në shumë sfera.

“Para se të kalojmë tek bashkimi politik, duhet të shteret bashkëpunimi në të gjitha rrafshet”

“Nuk duhet ta mendojmë bashkimin kombëtar me çiftelia dhe vargje të Luigj Gurakuqit” është shprehur Nurellari.

Lidhur me dimensionin nacionalist Nurellari tha duhet të trajtohet me seriozitet, përderisa shtoi se përveç kësaj ekziston një valë evropiane e populizmit, që ka nuanca të së majtës njëkohësisht edhe të djathtës.

“Rimëkëmbja e tezave nacionaliste duhet të na mobilizojë që të mos jemi të papërgatitur”

“Duhet ta marrim seriozisht si kërcënim rindezjen e nacionalizimit” tha ai.

Nurellari gjithashtu vlerësoi se bashkimi kombëtar nuk duhet të trajtohet si diçka që bie ndesh me BE-në, njofton Klan Kosova.

Lajmet më të lexuara