Mbollën kanabis në oborre, dy të arrestuar në Tepelenë

09:22 | 30 Qershor 2020

Dy shtetas kanë rënë në prangat e policisë për kultivim droge, ndërsa një i tretë është proceduar penalisht në gjendje të lirë.

Operacioni policor i koduar “Veliqoti”çoi në arrestimin e shtetasit R. S., 23 vjeç dhe A. C., 40 vjeç, banues në fshatin Veliqot, Tepelenë, si dhe u procedua penalisht në gjendje të lirë për shkak të moshës, shtetasi L. B., 79 vjeç, pasi në oborret e banesave të tyre, shërbimet e Policisë gjetën të kultivuara disa bimë narkotike.

Kontrolli i territorit nga toka dhe nga ajri duke përdorur dronë do vijojë pandërprerë, me qëllim evidentimin, parandalimin dhe goditjen e çdo tentative për kultivim të bimëve narkotike.

Materialet në ngarkim të shtetasve të mësipërm i kaluan Prokurorisë së Rrethit Gjyqësor Gjirokastër, për veprime të mëtejshme.

Shpërndaje në rrjete sociale

Lajmet më të lexuara