Largohet nga LSI-ja Edmond Panariti: Do angazhohem në një detyrë të rëndësishme

15:25 | 12 Nëntor 2020

Ish-ministri dhe një nga figurat kryesore të LSI që nga themelimi i saj, profesor Edmond Panariti, ka deklaruar nëpërmjet një statusi në Facebook se largohet përfundimisht nga kjo parti.

Panariti shkruan se ka marrë ftesë për një detyrë të rëndësishme, por nuk sqaron se nga kush dhe për çfarë detyre.

Edmond Panariti është një nga themeluesit e LSI, si dhe ka mbajtur poste të rëndësishme në qeveritë ku ka marrë pjesë kjo parti, si ministër i Jashtëm në qeverinë Berisha dhe së fundmi i Bujqësisë.

“Të dashur miq, kolegë dhe bashkëpunëtorë!

Që nga dita e sotme kam vendosur të ndërpres angazhimin tim si pjesë e strukturave të Lëvizjes Socialiste për Integrim, për shkak të një ftese për tu angazhuar në një detyrë të rëndësishme.

Me këtë rast më lejoni t’ju falenderoj përzemërsisht për këtë rrugëtim 16 vjeçar të përbashkët, plot sfida, sakrifica dhe arritje.

Duke ju shprehur mirënjohje dhe falenderim për miqësinë vlerësimin dhe mbështetjen, ju siguroj që do të mbetem miku juaj përherë”, njofton ai në Facebook.

 

Shpërndaje në rrjete sociale

Lajmet më të lexuara