Kamioni ra në humnerë, dyshimet: E hodhi punonjësi pasi e pushuan nga puna

00:14 | 31 Maj 2018

Detaje të reja dalin në dritë nga aksidenti që ndodhi sot në HEC-in e Moglicës në Gramsh, ku një kamion ra ka 100 metër lartësi dhe përfundoi në humnerë.

‘News24’ shkruan se ka dyshime se ngjarja ka qenë e qëllimshme.

Mendohet që shoferi e ka hedhur qëllimisht kamionin në humnerë, në shenjë hakmarrje pasi ishte pushuar nga puna.

Siç u raportua edhe më herët, kamioni ra në humnerë në vendin e quajtur ‘Maliq Opar’. Ndërkohë policia po vijon për zbardhjen e plotë të ngjarjes.

Maliq
Informacion paraprak.

Më datë 30.05.2018, në Moglicë, dyshohet se një mjet tip kamion që i përket një firme ndërtuese të Hidrocentralit të Moglicës, me drejtues shtetasin B.K, ka dalë nga rruga dhe për pasojë ka rënë nga një lartësi prej 100 metrash në një përrua.

Nga të dhënat e para, rezulton se drejtuesi i mjetit nuk ka pësuar dëmtime serioze, pasi është hedhur nga mjeti përpara se sa ky i fundit të dilte nga rruga.

U ngrit grupi hetimor dhe po punohet për të zbardhur rrethanat e ngjarjes.

Shpërndaje në rrjete sociale

Lajmet më të lexuara