Iu premtonin dërgimin në vendet e BE-së, policia arreston 2 shtetas nga Tirana

11:59 | 26 Gusht 2020

2 shtetas të tjerë janë arrestuar në flagrancë pasi transportonin 17 emigrantë të paligjshëm në këmbim të parave.

Policia bëri të mundur arrestimin në flagrancë të transportuesve, shtetasin H.Gj dhe shtetasin Sh.C., të cilët kundrejt përfitimit prej 2000 eurosh iu kishin premtuar kalimin drejt vendeve të BE-së.

Qarku Korçë

Vijojnë goditjet e njëpasnjëshme në kuadër të operacionit policor “Perimetri”.

Në vijim të këtij operacioni, goditet një tjetër rast i veprimtarisë kriminale në fushën e dhënies ndihmë shtetasve të huaj për kalim të paligjshëm të kufirit, kundrejt fitimit.

Transportonin 17 emigrantë të paligjshëm, arrestohen në flagrancë nga Policia 2 shtetas.

Strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare, shërbimet e Sektorit të Policisë Rrugore dhe Komisariatin e Policisë Pogradec, në vijim të operacionit policor “Perimetri”, goditën një tjetër rast të veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit kundrejt fitimit, me qëllim dërgimin e tyre drejt vendeve të BE-së. Si rezultat i të cilit u bë kapja dhe arrestimi në flagrancë i shtetasve:

H. Gj., 42 vjeç dhe Sh. C., 41 vjeç, banues në Tiranë.

Arrestimi i tyre u bë pasi, këta shtetas u kapën në lagjen nr. 3, Pogradec, duke transportuar në drejtim të Tiranës, me mjetet tip “Ford” dhe “Skoda” 17 emigrantë të paligjshëm, të cilëve kundrejt fitimit prej 2000 euro në total, iu kishin premtuar kalimin drejt vendeve të BE-së.

Materialet i kaluan Prokurorisë të Rrethit Gjyqësor Pogradec për veprën penale “Ndihma për kalim të paligjshëm të kufijve, kryer në bashkëpunim”.

Shpërndaje në rrjete sociale

Lajmet më të lexuara