Infektohen me Covid-19 mësueset, edukatorja dhe sanitarja në Gramsh e Delvinë

19:12 | 16 Shtator 2020

Infektohet me Covid-19 një mësuese që ka dhënë mësim në disa shkolla në Delvinë.

Ajo ka dhënë mësim në shkollat, Xhelal Berberi, Kosta Cavo dhe shkollën e fshatit Lefterhor.

Po ashtu janë infektuar një edukatore që punonte në fshatin Fushë Vërri dhe një sanitare në Kopshtin Qendër.

Ka nisur hetimi epidemiologjik, ndërsa janë karantinuar të infektuarit dhe kontaktet e tyre.

Po bëhen dezinfektimet në godinat ku rezultuan pozitiv pjesëtarë të stafit, ndërsa deri nesër do të ketë një vendim nëse shkollat dhe kopshtet do të hapen për nxënësit.

Gjithashtu, konfirmohet pozitive me COVID-19 një mësues në Gramsh në një shkollë 9-vjeçare. Ende nuk dihet se si është infektuar.

Me konfirmimin e sotëm shkon në 4 numri i mësuesve të infektuar në Gramsh.

Gjatë ditës së djeshme po ashtu është konfirmuar pozitive me COVID-19 edhe psikologjia e shkollës.

Shpërndaje në rrjete sociale

Lajmet më të lexuara