Çfarë nuk u pa nga protesta e opozitës

22:42 | 8 Korrik 2019

Mijëra mbështetës janë mbledhur sot në Bulevardin “Dëshmorët e Kombit”, vendi ku Opozita mbajti protestën e 10-të kombëtare përpara Kryeministrisë për largimin e kryeministrit Edi Rama. Protesta u zhvillua paqësisht, ndërsa vlen të theksohet se në drejtim të Kryeministrisë apo forcave të rendit nuk është hedhur asnjë shashkë, tymuese apo send i fortë.

Simbolet e protestës së sotme ishin frymëzuar zgjedhjet e 30 Qershorit, me kuti votimi ku shkruhej Kutia e Vjedhjeve, deri tek disa prej protestuesve që mbyllën gojën me logon ERTV, kjo një shenjë proteste për shkak të mungesës së lirisë së shprehjes.

Një fotomontazh i kryeministrit Edi Rama me Nexhmije Hoxhën, e veja e diktatorit Enver Hoxha, ka qenë një tjetër simbolikë ironizuese e protestuesve të opozitës kundër votimeve të 30 qershorit. Ndryshe nga fotoja origjinale, në vend të Enver Hoxhës është vënë Edi Rama, duke votuar me Nexhmije Hoxhën… ashtu siç votohej në vitet e diktaturës komuniste, pa opozitë.

Shikoni fotot më pikante që sjell MAPO:

Shpërndaje në rrjete sociale

Lajmet më të lexuara