Bëri simbolin e shqiponjës, grekët irritohen me Eleni Foureiran

11:35 | 4 Maj 2018

Simboli i shqiponjës dykrenare i Eleni Foureiras, duket se ka irrituar mediat greke.

Gjesti i këngëtares me origjinë shqiptare ka bërë jehonë në të gjithë mediat e vendit fqinj.

Veprimi i Eleni Foureira, e cila do të përfaqësojë Qipron në “Eurovision”, pritet të diskutohet dhe të ngjallë reagime, shkruajnë mediat greke.

Disa prej tyre shkuan edhe më tej, që gjestin e një simboli kombëtar, e hiperbolizuan.

I tillë është rasti i televizionit “Star”, që në faqen e tij në internet shkruan se Eleni Foureira dhe këngëtari shqiptar Eugent Bushpepa bënë simbolin e “Shqipërisë së Madhe”, duke e lidhur me nacioanlistët dhe UÇK-në.

Ndërkohë, përdorues të rrjeteve sociale në Greqi, simbolin e shqiponjës dykrenare të Elenit e kanë konsideruar provokim.

Na ndajnë pak ditë nga “Eurovizioni” që zhvillohet në Portugali dhe dy këngëtarët shqiptarë Bushpepa dhe Foureira, që njëri përfaqëson Shqipërinë e tjetri Qipron, janë takuar dhe kanë përshëndetur me simbolin e shqiponjës. /tvklan.al

She'll literally light up the ESC stage!!! @foureira you rock girl!!?

A post shared by Eugent Bushpepa (@eugentbushpepa) on

 

 

Shpërndaje në rrjete sociale

Lajmet më të lexuara