Bebe Rexha viziton edhe shtëpinë e familjes së dytë që do rindërtojë në Shqipëri

17:33 | 2 Dhjetor 2019

Bebe Rexha para disa orëve ka arritur në Shqipëri për t’i parë nga afër të prekurit nga tërmetet e së martës, që lanë të vdekur mbi 50 persona, qindra të lënduar e po ashtu edhe dëme të mëdha materiale.

Këngëtarja shqiptare me famë botërore udhëtoi drejt trojeve shqiptare për t’i sjellë fondet e grumbulluara e njëherësh t’i vizitojë edhe familjet që do ua rindërtojë shtëpitë.

Ajo fillimisht zgjodhi familjen Musa për t’iu rindërtuar shtëpinë, e pas tyre zgjodhi edhe familjen Bushi, duke publikuar në rrjetet sociale pamje nga shtëpitë e tyre të dëmtuara, që siç shihet duhet rrënuar dhe ndërtuar nga fillimi.

“Shtëpia e dytë që do të rindërtojmë është e familjes Bushi”, ka shkruar në njoftimin e saj 30-vjeçarja në Instagram, ndërkohë që shfaqet me disa anëtarë të kësaj familjeje me përshkrimin e fotos, “Familja Bushi”.

Bebe arriti në aeroportin e Rinasit rreth orës 14:00, ndërsa aty e ka pritur edhe Zonja e Parë e shtetit, Monika Kryemadhi.

E njëjta gjithashtu ka dhënë një intervistë lidhur me arritjen e saj në vendin amë dhe për planet e të ardhmes.

Këngëtarja shqiptare gjatë intervistës është shprehur se do dëshironte të vinte edhe në Kosovë.

 

Shpërndaje në rrjete sociale

Lajmet më të lexuara