Autobusët në Tiranë kthehen në “qendër saunash”

23:09 | 14 Qershor 2019

Është ora 13:00 dhe temperatura shënon 35 grade celcius. Por udhëtarët e këtij autobusi në kryeqytet janë të detyruar të udhëtojnë si në sauna. Në një tjetër linje të Unazës, kamera nuk u lejua të filmojë.

Faturino nuk dha asnjë shpjegim veç faktit se ky autobus është privat, ndonëse një shërbim publik për qytetarët taksapagues, i garantuar si detyrim i një kontrate me bashkinë.

Udhëtare të linjës së Unazës po edhe asaj Kombinat – Kinostudio nuk pranojnë të flasin para kamerës, por ata thonë se shpesh herë kondicionerët nuk ndizen, pavarësisht temperaturave shumë të larta.

Por nuk funksionon kështu për të gjithë autobusët. Në një autobus të linjës Porcelan-Qendër kondicioneri ishte në funksion.

Estref Agolli, Specialist i Transportit në Agjencinë për Mbrojtjen e Konsumatorit, i kontaktuar nga ABC Neës, tha se që nga data 1 Qershor ka nisur vendosja e masave administrative për shoqëritë e transportit urban në Tiranë, që nuk respektojnë detyrimin për kondicionerët apo për plotësimin e kushteve të tjera për udhëtarët.

Agalliu tha se ankesat e qytetarëve janë të shumta, por situata në krahasim me një vit më parë ka ndryshuar dhe tek operatorët e linjave te transportit urban ne Tirane, vihet re një ndërgjegjësim më i madh.

Shpërndaje në rrjete sociale

Lajmet më të lexuara